華南虎 | 台北市立動物園資訊網

華南虎體形較細隻，係老虎中體形最細嗰幾個亞種之一，老虎公身長約2.5米（連頭），重約150公斤。老虎乸身長約2.3米，體重約110公斤。毛皮上有又短又窄嘅條紋 ...

出自維基百科，自由嘅百科全書

華南虎，又叫南中國虎，係老虎嘅一個亞種，生活響中國南部，係所有老虎種類中最瀕臨絕種嘅一種，估計世界上少於20至30隻野生華南虎，響中國嗰18個動物園中重有47隻圈養華南虎，係中國一級受保護動物。

動物嘅叫聲似/xœ̃/。

華南虎體形較細隻，係老虎中體形最細嗰幾個亞種之一，老虎公身長約2.5米（連頭），重約150公斤。老虎乸身長約2.3米，體重約110公斤。毛皮上有又短又窄嘅條紋，條紋之間嘅間距比孟加拉虎、西伯利亞虎嘅大。

過去響中國範圍分佈好廣，數量亦最多。佢分佈遠到除咗華南以外，重包括華東、華中、西南嘅廣闊地區，甚至陝南、隴東、豫西同晉南等個別地區亦曾經發現過。

喺1950-60年代，南嶺地區係華南虎嘅分佈中心，隔籬嘅浙江、湖北、四川分佈就唔係太平均。香港過往亦有華南虎出現。目前喺廣東、湖南、江西同福建交界嘅山區可能有唔夠25隻。但極有可能已經絕種。

同其他老虎亞種相似，華南虎主要獵食有蹄類動物，最鍾意嘅體形大概係30-400磅。華南虎公甚至有能力攻擊較大隻嘅獵物，例如黑熊同馬來熊等。

於1959年，基於毛澤東響大躍進時宣稱華南虎為「人類的敵人」後，物種數目於1976年由2,000急降至約200。1977年，中國政府對老虎政策嘅改變，禁止捕殺任何野生老虎，但華南虎現時剩餘數目已經唔足以進行大規模繁殖。最後一隻被確認嘅野生華南虎係喺1994年射殺嘅一隻，之後就再無確實證據證明野生種群嘅存在。