鼬獾 | 台北市立動物園資訊網

特徵—特徵[編輯]...頭大，豬鼻，頭頂同面部有明顯大白點。背脊深棕色至灰棕色。腳短，有利爪，可以用嚟翻鬆泥土。肛門有腺體，受到威脅時就會釋放臭 ...

出自維基百科，自由嘅百科全書

鼬獾（Melogale moschata）係一種小型嘅食肉動物，又叫做山獾，白鼻狸。

頭大，豬鼻，頭頂同面部有明顯大白點。背脊深棕色至灰棕色。腳短，有利爪，可以用嚟翻鬆泥土。肛門有腺體，受到威脅時就會釋放臭氣。平均身長 40 厘米，尾平均 20 厘米。條尾啲毛短，長約莫係頭同身之間嘅一半。

鼬獾係夜行性動物。日間會躲喺地窿，樹窿休息。好似野豬咁翻鬆泥土，用嚟掘地窿同搵嘢食。主要食蚯蚓，昆蟲同兩棲類，但有時都會捉雀，食果實同動物屍體。

除咗最凍嘅幾個月份之外，全年都係繁殖期。懷孕期由 60 到 90 日。一胎生 4 至 5 隻仔。

分佈響印度東北部至中國南部、緬甸、越南、台灣等東南亞地區。鍾意住響草原同森林。