科莫多巨蜥 | 台北市立動物園資訊網

科莫多巨蜥（英文：KomodoDragon；學名：Varanuskomodoensis；又叫科摩多​巨蜥或者科摩多龍）係世界上最大隻嘅蜥蜴，科莫多龍屬於巨蜥 ...

出自維基百科，自由嘅百科全書

科莫多巨蜥（英文：Komodo Dragon；學名：Varanus komodoensis；又叫科摩多巨蜥或者科摩多龍）係世界上最大隻嘅蜥蜴，科莫多龍屬於巨蜥科（Varanidae），喺印尼好多島上面住。

據估計，而家仲有 6000 條科莫多龍，集中響印尼小巽他群島（Kepulauan Sunda Kecil），包括科莫多島（Komodo）有大約 1700 條、林卡島（Rincah; Rinca）有 1300 條、莫堂島（Gili Motang）有 100 條、佛羅雷斯島（Flores）可能有2000條。

平均長度 2 至 3 公尺。喺野生環境，成年嘅大科莫多龍普遍重約 70 公斤，獵獲嘅樣本往往重要重些少。證實到最大嘅樣本係 3.13 公尺長，166 公斤重（計埋未消化嘅食物）。

薩氏巨蜥（Varanus salvadorii，又叫鱷魚巨蜥）比科莫多龍更長，但係比較瘦，冇咁重。

科莫多龍係肉食性嘅，獵食生嘅獵物。佢哋會靜雞雞走近獵物，然後突襲，短跑幾步時速可以有成20公里。科莫多龍食獵物嘅腐肉。論智慧、社會性、個性、學習能力等，都足以同其他頂尖哺乳動物（好似獅子）有得比。

科莫多龍嘅獵食範圍好闊，野豬、山羊、鹿同水牛都啱。喺野生環境度，科莫多龍會甚至獵食後生嘅同類。偶然會獵食人同人嘅屍體。從發現到而家，已經有 12 個人以上俾科莫多龍咬死，不過，據報亦有患上敗血症唔死得嘅。

科莫多龍會喺5至8月交配，9月生蛋。乸會將蛋生喺地底或樹窿嚟保護佢哋。一竇平均有 20 隻，孵化期係 7 個月。但係，人工孵化嘅科莫多龍，一般唔識自衛，多數會死。頭幾年，BB 科莫多龍一般會住喺樹上，喺樹上生存機會好啲。大概 5 年就成熟，會生到 2 公尺咁長，最多有 30 年命。

歐洲人喺1910年第一次發現佢哋。1912年後，爪哇島茂物（Bogor）嘅動物學博物館主館 Peteruwens，出版一份該主題嘅報告，令世人知得多一啲。1980年，科莫多國家公園成立，幫手保護科莫多龍嘅族群。即使今時今日，啲報紙雜誌重經常用「食人獸」，「殘酷」呢字眼嚟形容佢哋。

香港無綫電視派藝...