牛 | 台北市立動物園資訊網

牛經常被人養嚟殺咗做肉食、用嚟做皮革或者搾奶。佢哋有時都會賣力，拖住個耙耕田。喺印度，牛係神聖嘅動物。粗略估計，全世界有十 ...

出自維基百科，自由嘅百科全書

牛（粵拼：ngau4，學名：Bos taurus）係一種有蹄同埋有四隻腳嘅動物，屬於牛科。卡爾林奈將牛分咗做三類：歐洲牛，亞洲牛同埋佢哋嘅始祖。不過，由於混血嘅關係，而家嘅人，或者生物學家，都唔會再當牛係三種動物，就算係乳牛同埋牛公都當係同一種。

牛經常被人養嚟殺咗做肉食、用嚟做皮革或者搾奶。佢哋有時都會賣力，拖住個耙耕田。喺印度，牛係神聖嘅動物。粗略估計，全世界有十三億隻牛。

所有牛嘅祖先，叫原牛，佢哋因森林棲息地不斷縮細，歐洲貴族又將佢哋當係狩獵對象，令數量逐漸減少，最後一隻牛乸喺1627年死咗之後，佢哋就絕種，冇晒喇。

喺香港，現時可以見到兩種牛：黃牛同埋水牛，佢哋都係以前香港農耕社會所養嘅家畜，但隨住工商業社會急速發展，佢哋開始俾人遺棄，並逐漸野化，成為香港郊野公園同濕地常見嘅大型哺乳動物。

香港漁農自然護理署喺2013年做過一次香港牛隻數量同埋分布狀況嘅詳細調查，顯示香港大約有1110隻黃牛同埋120頭水牛分布喺大嶼山、西貢、馬鞍山同埋新界中部、東北部其他地區。[1]2020年，有人自願組成牛義工團隊「西貢牛」[2]，佢哋發現有啲地方例如創興水上活動中心附近同塔門等等嘅流浪牛冇足夠嘅草畀佢哋食，於是喺其他地方拎啲草畀嗰度嘅牛食。[3]

牛係中國嘅十二生肖之一，排第二。