尼羅鱷 | 台北市立動物園資訊網

尼羅鱷（英文：Nilecrocodile）係23種鱷魚當中畀人研究得最多嘅一種。佢係非常強壯嘅大型鱷魚，體色係橄欖綠色到啡色。有黑色嘅斑點同網狀花紋。佢下顎第 ...

尼羅鱷（英文：Nile crocodile）係23種鱷魚當中畀人研究得最多嘅一種。佢係非常強壯嘅大型鱷魚，僅次河口鱷，體色係橄欖綠色到啡色。有黑色嘅斑點同網狀花紋。佢下顎第四齒由上顎嘅 V 字形凹陷中向外面突出。尾巴強而有力，有助於游水。成年尼羅鱷嘅體重可以重達一噸。

非洲同馬達加斯加島。主要住響河流同湖泊之中。自公元 9世紀開始，佢已經係人類嘅獵殺對象，因為佢嘅皮響當時係好名貴。目前響尼羅河可以話係已經絕晒種啦。

尼羅鱷夜晚響水裏面，黎明時就上岸曬太陽。佢哋會捕食羚羊、斑馬、水牛等，亦可以咬死獵豹、豹或鬣狗。甚至可以獵殺河馬、獅子、人類（不過呢三種動物都有能力獵殺鱷魚）。成年鱷會吞石，嗰啲石係起到壓艙物嘅作用，有助響水下面保持平衡。響旱季時，尼羅鱷會匿喺地底下面，直到下一個雨季來臨為止。

鱷魚乸會響沙質嘅河岸挖窿造巢。每次可以生 25-100 隻蛋。對於呢種鱷魚嘅蛋嚟講，水災同尼羅河巨蜥係最大嘅威脅。