袋鼠 | 台北市立動物園資訊網

出自維基百科，自由嘅百科全書

袋鼠（doi6 syu2）係一種屬於袋鼠目嘅有袋類（袋鼠目嘅其他成員有小袋鼠、樹袋鼠、大袋鼠、沙袋鼠同短尾矮袋鼠：共有45種）。「Kangaroo」有時亦引伸為任何有袋動物。多數澳洲鬼佬鬼婆會用到Kangaroo、Wallaby同埋Wallaroo嚟分辨各種袋鼠，不過三個英文詞成日俾人撈亂搞錯。頭先提嘅三種，會作為生肉、加工食品或者煮好嘅餸，喺舖頭同餐廳合法噉樣賣錢。大多數袋鼠都係澳洲嘅特產，另外有少數品種（例如樹袋鼠）喺新畿內亞野生。

坊間有傳聞指，「Kangaroo」呢個袋鼠嘅英文名來自場誤會——澳洲原住民 Guugu Yimidhirr 話嘅 gangurru，係解「唔知道」。約瑟夫·班克斯有次帶隊人行船時，喺努力河（即現時曲鎮港口）泊岸，去修理爛咗近七個禮拜嘅船，其間佢哋發現到呢種咁古靈精怪嘅動物，就走去問啲土著。雞同鴨講之後，是旦用咗「唔知道」嘅土話音起咗個英文名，之後啲歐洲人一路繼續噉樣用，無改返。[1]

1898年，人類學家 Walter Roth 寫信畀 The Australsian 嘅編輯話「gangurru」對於昆士蘭嘅 Guugu Yimidhirr 人意思係「black kangaroo（黑色嘅袋鼠）」。語言人類學家 John Haviland 研究 Guugu Yimidhirr 呢隻話時亦贊成呢個講法[2]。

生物學分類同英文俗名唔對應……只有肆種袋鼠嘅英文名叫做「Kangaroo」；