緬甸蟒蛇 | 台北市立動物園資訊網

緬甸蟒蛇，又叫緬甸岩蟒，係亞洲岩蟒兩個亞種之一，係顏色深啲，分佈大啲嘅蟒蛇。顏色黃或灰，重有唔規則嘅啡色鞍形花紋，好鬼易認得出嚟。紀錄中最大一條 ...

出自維基百科，自由嘅百科全書

緬甸蟒蛇，又叫緬甸岩蟒，係亞洲岩蟒兩個亞種之一，係顏色深啲，分佈大啲嘅蟒蛇。顏色黃或灰，重有唔規則嘅啡色鞍形花紋，好鬼易認得出嚟。紀錄中最大一條有成 6 米長。

亞洲南部。棲息響低地、大草原、濕地。響樹林地區比較活躍。緬甸品種主要分佈喺緬甸，泰國，中國南部同越南。另一品種：印度蟒蛇，分佈響印度同斯里蘭卡。

香港自然界裏面好重要嘅捕獵者，細條嗰陣會捉老鼠嚟食，大條時就會捉啲大啲嘅獵物，好似野豬仔，赤麂咁。記錄中至少有過一條成年緬甸蟒蛇吞咗成隻牛仔，1982年10月香港嘅電視台影到一條緬甸蟒蛇吐返隻吞咗嘅牛仔出嚟。佢哋冇毒，但係啲肌肉收縮力好強，箍死獵物。

若果冇咗蟒蛇存在，會令到獵物種群嘅大細突然失去平衡。

現時，蟒蛇面臨嘅威脅包括棲境遭破壞同人類捕獵（用嚟做皮革），以及響東南亞等分佈區內嘅俾人亂殺。香港1976年立法保護緬甸蟒蛇，唔畀捕殺。

蟒蛇脾性唔差，響香港以外地區，唔少動物園會將佢哋當展品。香港動植物公園，嘉道理農場暨植物園而家都有緬甸蟒蛇展出。另外，亦有私人飼養個別品種，或白色變種。響一啲國家，有人會亂咁放生緬甸蟒蛇，嚴重威脅當地嘅生態系統。